ශ්‍රී බුද්ධ වර්ෂ 2570ක් වූ පින්බර වෙසක් පොහොය නිමිත්තෙන්, බෙන්තොට ප්‍රාදේශීය ශාසනාරක්ෂක මණ්ඩලයේ ගරු ලේඛකාධිකාරි පූජ්‍ය කටුවත්තේ සුමනසාර නායක ස්වාමීන්ද්‍රයාණන් වහන්සේගේ හා බෙන්තොට ප්‍රාදේශීය ලේකම් ඩබ්ලිව්.ඒ.ජනහිත මැතිතුමාගේ සංකල්පයක් මත, බෙන්තොට ප්‍රාදේශීය ලේකම් කාර්යාල නිලධාරින්ගේ සහභාගීත්වයෙන් සීල භාවනා වැඩසටහනක් පසුගිය මැයි 22 වැනි සිකුරාදා දින ඉඳුරුව මුල්ලේගොඩ ශ්‍රී සුනන්දාරාම විහාරස්ථානයේ දී පෙ.ව 7.30 සිට ප.ව 4.00 දක්වා පැවැත්විණ. මෙම සීල සමාදන් වැඩසටහනේ ධර්ම දේශනා පැවැත්වීම, විචිත්‍ර ධර්ම කථික ශාස්ත්‍රපති පූජ්‍ය පයාගල නිමල ස්වාමීන් වහන්සේ සහ රාජකීය පණ්ඩිත ශාස්ත්‍රපති පූජ්‍ය තැන්නපංගුවේ අමිතතිස්ස ස්වාමීන් වහන්සේලා විසින් පවත්වන ලදී. මෙම සීල භාවනා වැඩසටහන පැවැත්වීම සඳහා මූලිකත්වය සහ පූර්ණ අනුග්‍රාහක දායකත්වය ගෙන කටයුතු කළ බෙන්තොට ප්‍රාදේශීය ශාසනාරක්ෂක මණ්ඩලයේ ගරු ලේඛකාධිකාරි පූජ්‍ය කටුවත්තේ සුමනසාර නායක ස්වාමීන්ද්‍රයාණන් වහන්සේට සහ විහාරස්ථාන දායක සභාවට කෘතඥපූර්වක ස්තූතිය පුද කර සිටිමු.